Прэзідэнт Беларусі даручыў заканадаўча ўрэгуляваць асобныя аспекты праходжання дыпслужбы
Розныя аспекты праходжання дыпламатычнай службы трэба комплексна рэгуляваць на заканадаўчым узроўні. Гэты факт быў сёння асабліва адзначаны ў час даклада прэзідэнту Беларусі Аляксандру Лукашэнку міністра замежных спраў Сяргея Мартынава, паведамілі БЕЛТА у прэс-службе беларускага лідэра.
У ходзе даклада былі закрануты і праблемы кадравага ўмацавання дыпламатычнай службы. Па даручэнню прэзідэнта па ўсіх гэтых пытаннях будзе праведзена неабходная работа.
На сустрэчы таксама былі абмеркаваны пытанні ўзаемаадносін Беларусі з замежнымі дзяржавамі па ўсіх напрамках знешнепалітычнай дзейнасці. Абмеркаванне мела прадметны характар, і кіраўніком дзяржавы дадзены адпаведныя даручэнні.