Пагадненне аб адзінай сістэме ППА Беларусі і Расіі праходзіць унутрыдзяржаўнае ўзгадненне ў Беларусі
Пагадненне аб стварэнні адзінай сістэмы ППА Беларусі і Расіі праходзіць працэдуру ўнутрыдзяржаўнага ўзгаднення ў Беларусі. Аб гэтым паведаміў сёння ў інтэрв’ю журналістам міністр абароны Беларусі генерал-палкоўнік Леанід Мальцаў.
Гэта пагадненне распрацоўваецца ўжо на працягу некалькіх гадоў. З гэтай нагоды Леанід Мальцаў заявіў: “У Расійскай Федэрацыі працэдура ўзгаднення доўжылася 5 гадоў, а ў Беларусі мы пачалі яе з канца 2006 года”.
На думку міністра абароны, нават пасля прыняцця пагаднення сілы і сродкі ВПС і войскаў ППА на тэрыторыі Беларусі будуць падпарадкоўвацца беларускаму камандаванню. “Якія пагадненні ні будуць падпісаны, на тэрыторыі Беларусі сіламі проціпаветранай абароны будзе камандаваць Галоўнакамандуючы Узброенымі Сіламі ў любой абстаноўцы”, - заявіў Леанід Мальцаў.